Quora Ads kya hai aur iska use kaise kare? | Quora What is ADS and how to deal with it? In Urdu Hindi

 Quora Ads kya hai aur iska use kaise kare? | Quora What is ADS and how to deal with it?

Dosto, aapka baigblog1 par welcome hai aaj mein aapko Quora Ads kya hai aur iska use kaise kare ke baare mein bataunga.

Dosto, aapne Quora ka naam to suna hi hoga.

Yeh ek question aur answer ki website hai jiske upar rozana karodo log answer prapt karne ke liye aate hain.

Bharat ke andar aap Quora ko mukhyat do bhasha mein use kar sakte hain, English aur Hindi bhasha mein.

Quora ek aisa platform hai jiske upar aap question ko pooch bhi sakte hain aur aap question ka uttar bhi de kar sakte hain.

Quora ka daily traffic itna hai agar aap blogging karte hain to aap Quora ke madhyam se apne blog par bahut saara traffic laa sakte hain.

Blogging aur Affiliate Marketing ke liye Quora ek bahut hi accha platform hai.

Aap yahan se apne landing page ya website ke upar targeted traffic ko laa sakte hain.

Apni isi khubi ka dhyan rakhte hue Quora ne apne ek Advertisement Platform bhi banaya hai jiska naam hai Quora Ads.

Aap Quora Ads ke madhyam se apne blog ke upar targeted traffic ko laa sakte hain.

Aapko kuch vishesh settings ko karna hoga uske baad aapke blog ke upar targeted traffic aane lag jayega.

Chaliye ab hum aaj ka Tutorial shuru karte hain.

Quora Ads kya hai – 

Dosto, Quora Ads ek Quora ka hi hissa hai jiske upar aap ek Customise Advertisement chala sakte hain.

Dosto, agar aap blog likhte hain, Affiliate Marketing karte hain ya aap apna khud ka Product promote karna chahte hain.

Aap in sabhi cheezon ko Quora ke upar Advertisement karke promote kar sakte hain.

Advertise karne ka aapka Purpose kuch bhi ho sakta hai jaise aap Quora par apna Product sale karna chahte hain ya aap Quora se apne blog ka traffic badhana chahte hain.

Yeh sabhi Purpose aap Quora Advertisement ke madhyam se fulfill kar sakte hain.

Quora Ads par Account kaise banaye –

Quora par Advertisement Account banane ke liye aapko Google ke upar type karna hai Quora.

Aapke samne Quora ki official website aa jayegi. Aapko yeh website open karni hai.

Website open karne ke baad aapko Homepage par Get Started ka option nazar aayega, aapko iske upar click karna hai.

Ab aapko signup ka option dikhayi dega. Aapko yahan Email, Password aur Necessary Information fill karke apna Account Create kar lena hai.

Ab aapko Email ke upar Confirmation Mail aaya hoga. Aapko yahan par Email ko Confirm karna hai.

Aapka Quora ke upar Account Create ho jayega.

Ab aapko Quora ke profile Picture par click karna hai. Yahan par aapko Ads Manager ka option dikhayi dega, aapko iske upar click karna hai.

Ab aapke samne ek Form aa jayega yahan par aapko jis bhi Product ko Promote karna hai uski business fill kar deni hai.

Aap Manage Ads ke section mein aa jayenge.

Quora par Ads kaise chalaye –

Dosto, ab mein aapko step by step Tutorial doonga ki aap kis prakar Quora ke upar Campaign chala sakte hain.

Quora ke upar Campaign chalaney ke liye sabse pehle aapko New Campaign ke option ke upar click karna hai.

Yahan par aapke samne 3 Steps aayenge jiske baad aapka campaign Create ho jayega.

Bb

1 ) Campaign banaye –

Yahan par aapko sabse pehle option mein Campaign name likhna hai. Aap apne Product ya Blog ke anusar Campaign naam select kar sakte hain.

Campaign name rakhne ke baad aapko campaign ka objective Choose karna hai.

Yahan par aapko 5 options diye jaate hain jaise conversion, App installs, Traffic, Awareness aur Lead Generation.

Aap apne objective ke anusar kisi ek ko chun sakte hain.

Iske baad aapko conversion event ko chunna hai jiske andar bhi aap objective ki tarah ek goal select karna hoga.

Iske baad aapko apna Daily Budget rakhna hai jaise – pratidin ke 400 rupees aur aap apne hisab se Advertisement ko schedule bhi kar sakte hain.

Ab aapko continue par click karna hai.

2 ) Apna Ad set ka naam dein –

Iska matlab hai aap apne campaign ke liye ek target set kar rahe hain.

Yahan par sabse pehle option mein aapko Ad set Name Fill karna hai, aap kuch bhi rakh sakte hain jaise – Ad Set 1

Next Option mein aapko Target Location fill karni hai jahan par aapki Advertisement dikhayi de. Jaise – United States.

Aap yahan par state, city aur Pincode se bhi Targeted Location select kar sakte hain.

Iske baad aapko Primary Targeting Choose karne ka option dikhai dega.

Aap is option se 4 prakar se logo ko target kar sakte hain.

Jaise – contextual Targeting – means by keyword, question aur Topic

Audience targeting, behavioural Targeting ( Means by Interest ) aur broad Targeting.

Iske baad aap Additional Targeting mein device aur browser ko choose kar sakte hain.

Jaise aap kis browser aur mobile mein apna Ads dikhana chahte hain.

Aap apni ads sabhi ko dikhana chahte hain ya only Female aur Male ko.

Iske baad aapko exclude question aur Audience ka option dikhayi dega.

Aap yahan par un question aur audience ko rakh sakte hain jinhe aap apni advertisement nahi dikhana chahte hain.

Iske baad aapko apni bid set karni hai. Matlab aap cost per click par kharch karna chahte hain ya aap impression par kharch karna chahte hain.

Phinally aapko bid select karni hai jaise – 10 rupees per click aur continue par click kar dena hai.

3 ) Advertisement create kare –

Ab aap apni Ads ko create karenge. Sabse pehle option mein aapko apni Ads ka naam rakhna hai.

Jaise – keto diet

Phir aapko apni Ads ka format Choose karna hai.

Jaise aap Image Ads chalana chahte hain, Text ya Promote an Answer Ads.

Suppose aapne Text ads ko choose kiya hai to aapko apni Ads ke liye Title, Description aur call to Action button select karna hoga.

Aap apni ads ka desktop aur Mobile Preview side mein dekh sakte hain.

Phinally aapko apni website ka URL Fill karna hai aur continue par click kar dena hai.

Yahan par aapko apne ads campaign ke liye Top up karna hoga aur Finally aapki advertisement quora par chalne lag jayegi.

Quora par Ads chalane ke faayde:

1) Quora aap kam se kam budget mein Ads run kar sakte hain.

2) Yahan par Ads run karke aap apni revenue ko increase kar sakte hain.

3) Quora ke madhyam se aap affiliate product ko promote kar sakte hain.

4) Quora aapki website ke traffic ko increase karne mein madad karta hai.

5) Iske madhyam se aap apni YouTube video ko promote kar sakte hain.

6) Quora Ads ke madhyam se aap specific question ke liye traffic praapt kar sakte hain.

Final words on Quora Ads kya hai aur iska use kaise kare:

Dosto, mujhe ummeed hai aapko aaj ka topic Quora Ads kya hai aur iska use kaise kare bahut achha laga hoga. Aaj maine aapko Quora ke upar advertisement campaign kaise chalate hain uske baare mein detail information dene ki koshish ki hai. Aap is jankari ka labh uthakar aaj se hi campaign chala sakte hain. Aasha hai aapko aaj ki post informative lagi hogi.

Quora Ads se jude sawal aur jawab:

Q1) Quora Hindi kya hai?

Ans – Dosto, Quora Hindi koora ka Bharat mein Hindi bhaasha mein question aur answer website hai.

Q2) Quora par link kaise share kare?

Ans – Dosto, Quora ke upar link share karne ke liye aapko homepage ke upar ek option mil jaata hai jisse aap space mein link share kar sakte hain.

Q3) Kya Quora Ads se aapko targeted traffic milta hai?

Ans – Haan, dosto, aap Quora par Ads ko customize karke targeted traffic ko apne blog par laa sakte hain.

Q4) Quora par Ads chalane ka kitna kharcha aata hai?

Ans – Dosto, Quora par advertisement run karne ka kharcha depend karta hai ki aap kis type ki Ads run kar rahe hain aur aapki targeted country kaun si hai.

Q5) Is it free to advertise on Quora?

Ans – Nahin, Quora par advertise karne ke liye aapko kuch rupaye kharch karne hote hain. Quora ke anusar aap minimum $5 ki advertisement chala sakte hain.

Q6) Kya hum Quora Ads se keywords ko prapt kar sakte hain?

Ans – Ji haan, Quora aapko keywords ke saath saath volume prapt karne ka option bhi pradaan karta hai.

Q7) Kya mujhe Quora par vigyapan dena chahiye?

Ans – Ji haan, agar aap targeted audience ko build karna chahte hain toh Quora par vigyapan zaroor den.